Little miss me

Hvernig datt mér þetta í hug?

2009-11-28T13:55:00.003Z

Les einhver blogg í dag? Er það ekki eitt af því sem Facebook náði að ryðja úr vegi?

Það sem hefur aðallega breyst frá því ég skrifaði seinast er að ég fór í nýja vinnu sem er gríðarlega krefjandi og skemmtileg. Hlakka til að fara í vinnu á hverjum degi. Það er alltaf á einhverju að taka. Það er lífið;)

Brynja er orðin alger proffi, segir heilu setningarnar, syngur heilu lögin og finnst agalega gaman að taka hendurnar á krökkunum í leikskólanum og segja: fagur fagur fiskur í sjó...:) Litla duglegasta frekjan mín:)
Svo er minna en mánuður í 2ja ára afmælið hennar, var ég ekki bara að eignast hana í fyrradag?

Sjöbba mín kom til mín á Sviðamessu um daginn, það var ekkert smá gríðarlega gaman. Vorum alveg blellaðar til hálf 8 um morgun. Það var eiginlega eins og við hefðum verið að bæta upp síðustu 4 ár, þannig að við áttum það inni. Enda orðnar týpurnar sem fara alltaf heim af djamminu kl 2;)

Þessa dagana er ég að springa úr speki, verð að fara að gera eitthvað. Kem mér samt ekki útí íþróttahús eftir vinnu, búin á því eftir daginn og nýkomin loksins heim til fjölskyldunnar. Ekki það fyrsta sem manni langar til að gera er að fara:/ En er farin að hugsa leiðir og er gríðarlega spennt:)
Er allaveganna komin með nóg af því að fólk horfir á magann á mér og er eitt spurningamerki í framan...nibbs ekki ólétt!

Ætla að deila með ykkur hvað verður eldað hérna í kveld, þetta er eitt það besta sem ég fæ:
Sker niður kjúklingabringur og steiki. Krydda svo með season all, set soyjasósu og pínu hunang yfir. Þegar kjúllinn er orðinn nægilega vel steiktur þá bæti ég við helling af grænmeti:

Græn paprika
Hvítkál
Laukur

Rétt aðeins steiki það með, það á að vera léttsteikt.
Hollt, gott og naminamm.

Lovely:)

2009-03-29T11:45:00.000+01:00

2009-03-22T22:34:00.000Z

*Er komin með pottþétta afsökun fyrir að gera ekki skattaskýrsluna, kemst ekki inná rsk.is jei:)
*Þegar það er talað um að skíta peningum, datt einhverjum þetta bara í hug eða gerðist þetta í raun og veru? Óska eftir upplýsingum um þetta a.s.a.p.
*Fattaði í vikunni að börn læra einelti frá fullorðna fólkinu, hvar annarsstaðar.
*Finn fyrir gleði í hjartanu,það styttist í nærveru fallegra vina og skyldfólks í rvk.
*Ef einhver veit um hvað “skítapeningum” málið snýst um þá endilega látið mig vita því að þá kemst ég kannski í eitthvað af heimsóknum þar sem ég þarf að kaupa skrilljón sængur-skírnar-fermingargjafir.
*Er algerlega komin með nóg af því að hanga heima allar helgar útaf veikindum á heimilinu.
*Ætli vikupása frá faceinu sé nóg til að afeitra mig af því að vera svona húkkt?

P.s elsku Eva mín,hringdu í mig sem fyrst í heimasímann,næ ekki í þig, henti öllum útaf listanum hjá mér útaf pásunni minni, ekki bara þér love;)

Kv.Íris...pakk.

"mía mín" :)

2009-03-17T13:36:00.006Z

Já það er það sem hún kallar sig þegar ég segi henni að segja Brynja,Mía. Annars er hún að brillera þessa dagana. Hún veit sko alveg hvað hún vil. Bendir á það sem hún vill og ef hún vil fara út þá kemur hún með skóna sína, húfu og úlpu. Þegar pabbi hennar opnar útidyrahurðina þá segir hún alltaf brrrrr:) Það eru alltaf að bætast fleiri orð í safnið. Núna kann húm að segja:
Mamma,pabbi,dudda,sjáðu,datt,bíbí,sokkar,sex,sjö,voff,mjá,nei,búa,sitja.
Svo er ég pottþétt að gleyma einhverju.

Er búin að liggja heima veik alla vikuna og er ennþá heima. Brynja grét í alla nótt, hún er sem sagt búin að smitast. Komin með hita, hósta og kvef.

Eftir að ég hætti á faceinu þá er ég miklu minna í töllunni. Sem er bara gott. Ég tók bloggrúnt eitt kveldið og fannst voða gaman að lesa blogg, sem var eiginlega alveg dottið upp fyrir hjá mér. Ein setning er búin að vera föst í mér síðan ég las blogg hjá einum Borgfirðingi: Lokum tölvunum og leikum okkur við börnin okkar, það er miklu skemmtilegra:)
Glöggir lesendur hugsa eðlilega núna: bíddu ertu ekki við tölluna að blogga?? uuuu jú en barnið er sofandi:)

bæjó:)

2009-03-15T21:11:00.003Z

Hæ hæ:)

Var að setja nýjar myndir á babyland síðuna, veit samt ekki hvort hún virki en ég greiði af henni fljótlega. Ég kemst allaveganna inn núna.
Set nokkra myndir hérna fyrir þá sem sakna hennar mest hehe:)

Er hætt í bili á facebook, betra að láta vita svo að fólk haldi ekki að ég sé að henda þeim út í einhverju dramakasti;) Leiðinlegt þetta nýja lúkk, hitt var miklu skemmtilegra.

Það styttist í RVK. En ennþá of langt finnst mér. Er rosa spennt að koma. Það verður nóg að gera fyrstu helgina 2 fermingar og ein skírn. Jæja þetta er nóg í bili:)

Koss og knús á alla mína elskulegu.

öskudagur 2009

2009-02-25T14:31:00.002Z

2009-02-22T16:42:00.005Z

Hæ:)

Ákvað að setja inn nokkrar myndir af Brynju afþví að ég á eftir að greiða af barnalandssíðunni.
Það er bara fínt að frétta af okkur annars. Brynja byrjaði á leikskólanum eftir áramótin og aðlögunin gekk rosalega vel. Henni var alveg sama þótt ég færi, hún elskar leikskólann sinn:) (ég var nú pínu móðguð útí hana hehe:))

Ég byrjaði svo að vinna á leikskólanum eftir aðlögunina og mér finnst það æði, hlakka bara til að komast í vinnu eftir helgarnar. Ekkert smá gott að komast útúr húsi.
Ég átti yndislegan afmælisdag í gær með litlu fjölskyldunni minni. Þau gerði daginn fullkominn fyrir mig:)

ps. var einhver að fíla eurovision?

Kreppujólakort:)

2008-12-24T10:03:00.003Z

Gleðileg jól kæru vinir mínir og hafið það sem allra best með fjölskyldum ykkar:)

Heyrumst milli jóla og nýárs.

Love
Irish

2008-12-21T13:33:00.003Z

Afmælið hennar Brynju var æðislegt. Allt heppnaðst gríðarlega vel og allir sáttir. Brynja var eins og engill og var ótrúlega ánægð að fá fullt af dóti, enda átti hún eiginlega ekkert greyið:)

Kristján fór suður að sækja krakkana sína á fimtudagsdagsmorguninn og Brynja fór með. Þau komu heim á föstudagkveldið og ég verð því miður að viðurkenna það að mér hefur aldrei liðið verr. Hélt svo að ég myndi bara njóta þess að vera ein. Mér var flökurt, lystalaus, með í maganum og var ekkert smá eirðarlaus.
Ég er ekkert háð barninu.....niiii:)

Var að setja inn fullt af myndum á babyland síðunna.

1 árið hennar Brynju

2008-12-19T16:11:00.011Z

Brynja mín er eins árs á morgun 20 des:) Ætlum að eiga alveg yndislegan dag saman:)

Til hamingju við:D

Var að lesa blogg frá því að ég átti og vá.. 72 comment, ekkert smá gaman að lesa. Getið skoðað það hérna og hérna :)

ammli og jól

2008-12-17T11:06:00.004Z

Jæja kellan nánast búin að klára jólapakkana og allt að smella. Kristján fer suður á fimmtudaginn og ég ætla að senda hann með pakkana heim til mömmu þannig að það neyðist allir til að gera sér ferð þangað. Afmælisveislan hennar Brynju verður á sjálfan afmælisdaginn hennar þann 20.des. Finnst ömurlegt að hafa ekki fjölskylduna mína og vini fyrir sunnan. En þá verð ég bara að hafa síðbúna afmælisveislu þegar ég kem næst í bæinn, þó það verði eftir nokkra mán kannski, eru ekki allir til í það?:D

En ég er samt spennt fyrir veislunni hennar hérna en öll smeik hvernig ég ætla að "púlla" þetta. Ég kann alls ekki að skeyta og gera flotta afmlístertu og svo þarf
ég að þrífa allt og baka allt ein af því að Kr verður fyrir sunnan. Er að spá í að plata Karen til að skeyta eitthvað því eins og ég sagði henni þá er hún með óþolandi fullkomnunaráráttu:)

Mjög gaman í Oni þessa dagana, var að fá nýjar vörur og jólahugur kominn í fólk. Vona samt að ég fái bara vinnu sem fyrst. Er farin að þrá að vera launþegi og fara útá vinnumarkaðinn. Það kemur þá bara í ljós hvað ég geri með Oni mína.

Síðan ég vaknaði er ég með bullandi skíðaþrá. Held að það sé möst að plata kallinn á skíði um jólin (lofa að detta ekki í lyftunni my love).

Ps.var að setja myndir á babyland, það má alveg biðja um aðgang að síðunnni..mig sko.

2008-12-12T11:54:00.003Z

Jæja nú styttist aldeilis í kreppujólin miklu úff. En það reddast, reddast ekki alltaf allt? úff..

Mikið að gerast í oni í dag, getið lesið um það hérna.

Brynja stendur núna upp án þess að styðja sig við neitt og hefur 2svar tekið 2 skef, það er bara afþví að hún gleymir sér. Svo eru 8 dagar í eins árs afmælið. Þetta er alltof fljótt að líða.

Annars hef ég ekkert að segja, en þið?

My one and only:)

2008-12-08T12:37:00.001Z

2008-12-08T00:25:00.003Z

Ætla að prufa að hafa bloggið fjólublátt. Fann ekkert bleikt í mér núna.
Er agalega eirðarlaus eitthvað, finnst allt ógeðslega leiðinlegt og vonlaust. Langar að gera nýja hluti á nýjum stað. Komin með ógeð af öllu. Langar bara í stanslausa gleði og engar áhyggjur. Ætli sá staður sé til í lífinu?

Ég er bara að myggla. Líka frekar ólíkt mér að staldra of lengi á sama stað, ég er nú meira svona "flytjaeinusinnitiltvisvaráári" týpan.

Hver er næsti áfangastaður og næsta gleði. Ef einhver hefur svarið þá vil ég glöð heyra það.

Áhyggjur

2008-12-02T13:42:00.003Z

Barnið mitt er farið að skríða eins og górilla, hvað er málið með það?
Sama barn hélt fyrir eyrun og öskraði AAAAAAAAAAAAAAAAAA þegar ég söng fyrir hana um daginn.

Er þetta uppeldið? Er það það sem þið eruð að reyna að segja mér??

2008-11-30T13:46:00.002Z

Var að setja inn fullt af myndum hjá Brynju, endilega kíkið á það:)

Við erum öll búin að liggja í mest ógeðispest ever hérna á heimilinu. Hún byrjaði á mér, Brynja smitaðist strax og svo Kristján. Óska engum að koma á okkar heimili núna. Guð blessi okkur!

Jólaleg jólaleg jól,gleðileg jól:)

2008-11-23T10:05:00.002Z

Hvernig lýst ykkur á? Hugsa að við vinnum nú ekki jólaskeytingasamkeppnina í ár en við erum bara sjálf búin að gefa okkur titilinn NÝLIÐAR ÁRSINS:D

Hefur einhver djammað með Helgu?

2008-11-21T16:18:00.003Z

Nei bara spurði.. það er svo mikil snilld þegar við förum á skrallið saman, hefur reyndar gerst alltof sjaldan útaf einhverju óléttu/barnastússi hjá mér. Skelltum okkur út seinustu helgi. Það var hlegið, hlegið og já HLEGIÐ! Nokkrir þorrablótsbrandarar komnir í safnið og svona. Já ætli maður sé ekki í nefndinni, passið ykkur bara sko!;)

Ásdís passaði litlu mömmustelpuna. Svo ætlar hún að passa fyrir mig búðina næsta miðvikudag. Ég og mamma hennar vorum að hlægja að því fyrst hún væri nú farin að hugsa um heimilið og fyrirtækið hvort að hún ætlaði að taka kallinn að sér næst. Ásdís hló nú ekki eins mikið og við. Hvernig líst þér á það Karen mín?:D

Barnið varð 11 mánaða 20.nóv. Það er sem sagt innan við mánuður í eins árs afmælið hennar. Fæ næstum tár í augun við tilhugsunina, hvert fór þetta ár? Þetta er alltof fljótt að líða. Öll systkini hennar verða komin á afmælinu hennar. Það verður æði. Og svo verða þau öll saman um jólin. Get ekki beðið:)

Kristján og börnin hans eru á leiðinni austur núna þannig að það verður kósíhelgi í kotinu. Ég er í Oni og Brynja hjá ömmu sinni og afa:)

Ég er búin að vera í sjúklegu nostralgíu kasti seinustu daga. Júlía og Eva eru búnar að vera að rifja upp svo mikið að gömlum hlutum og sögum og 7bba að senda mér myndir síðan á Beggunni. Bara gaman. Kannski að ég taki sjálf eitt upprifjunarblogg fljótlega. Set allaveganna inn nokkrar myndir núna til þess að minna mig á hvað ég er með mikla ógeðisljótu núna:/

Mamma og pabbi?

2008-11-19T13:00:00.000Z

Hæ mamma og pabbi:)

Stúlkan mín:)

2008-11-16T15:07:00.000Z

Gleði og grín:)

2008-11-14T10:20:00.005Z

Ég ætla að taka mér pásu frá fréttum og kreppubloggum í nokkra daga. Ég er alveg komin með nóg. Gegnum árin þá hef ég gert ýmislegt til að blokkera skuldir mínar, þ.e.a.s í hausnum á mér. Það auðvitað býður bara upp á þunglyndi að hugsa um það. Núna fæ ég stöðuga minningu um það oft á dag. Það er svona álíka skemmtilegt og að fara til tannlæknis. Eini munurinn er sá að maður fær allaveganna deyfingu hjá tannlækninum. Auðvitað vill maður vita svona nokkurn veginn hvað er að gerast í kringum sig en ef það gerist eitthvað stórmerkilegt þá bara hlýtur einhver að segja mér frá því. Þannig að ég les ekki tannlæknablogg og horfi ekki á tannlæknafréttir í nokkra daga. Ég ætla að segja fullt af gríni og hafa gaman:) Af því að sama hversu mikið ég tala um skuldir þá sitja þær sem fastast á sínum stað.

Ég ætla að gefa skít í kreppuna og fá mér hvítvín á laugkveldið hérna heima, ef einhver vill joina mér þá yrði ég hin glaðasta:)

Uppdeit 10.32: Ásdís bauðst til að passa þannig að ég verð bara ekkert heima, ætla sko út JEI:)

Kv.Íris-full af gríni og gleði (samt ekki orðin full sko, klukkan er líka bara 09.59)

Kreppu ógeð

2008-11-13T13:53:00.005Z

Ég var á barmi gjaldþrots í gær eftir að hafa keypt bleijur fyrir barnið mitt á rúmlega 2500 kall! Mikið vildi ég að ég hefði endurnýjað ýmsa hluti fyrir kreppu. Td. skó og útifatnað. Held að Oni sé eina búðin sem hefur ekki hækkað verð hjá sér. En það vill svo óheppilega til að ég sel hvorki skó né útifatnað!

Þetta er svo sárt allt saman. Ég versla allt öðruvísi í dag. Núna þarf maður bara að setjast niður og hugsa um ódýran mat og reyna að lifa þannig. Við ætlum að skammta matarpening fyrir hvern dag og ekki má fara yfir það. Nema á föstudögum, þá er pizza og kósý:)
Þeir sem gera kröfur til glæsilegra jólagjafa ár hvert verða að chilla. Það er nú bara held ég heppni ef fólk getur haldið jól og getur átt góða stund saman.
Verð nú alveg að viðurkenna það að það er ekki jafn gaman og það var fyrir kreppu að vinna mína vinnu. Spurning hvað maður þraukar lengi í þessum geira.

En sem betur fer er lítil Brynja hérna til að gera lífið svo skemmtilegt á hverjum degi. Hún er alltaf að rétta mér eitthvað og segir TAKK, nýjasta er að missa allt og segja DATT..(ekkert voða skemmtilegur leikur reyndar).

Langar mest núna á Akureyri á Greifann og eyða fullt af peningum sem ég á ekki, hver er game?:)

Hey! Ég er búin að sjá 2 Greys leikara í öðrum þekktum þáttum (sem voru gerðir fyrir tíma Greys) Það er Dr.Burke og Meredith. Vitið þið hvaða þættir það eru?

2008-11-08T18:37:00.001Z

5266358359190114130" />

Ákvað að skella inn nokkrum myndum meðan ég bíð eftir að maturinn komi á borðið:) Í gær fórum við á Grease sýningu hjá grunnskólanum sem var ferlega gaman og í dag fórum við á ljósmyndasýningu í Löngubúð. Ferlega menningarleg þessa helgina:)
Ætlaði á konukvöld uppá Egilsstöðum og þrítugsammli en það bara kostaði peninga sem ég á ekki. Því miður.
Núna þurfum við að fara að redda okkur barnapíu til þess að geta farið eitthvað út tvö saman, þó að það væri ekki nema að fara saman út að borða. Það hefur varla gerst síðan Brynja fæddist. Meiri vitleysan.

Hvað segið þið annars kæru vinir? Fór einhver í skemmtistaðasleik um helgina?

2008-11-04T22:17:00.004Z

Hvað skal segja gott fólk?

Úff púff hvað ég er feitt að finna fyrir því núna að búa á svona litlum stað. Núna fer Brynja að fara að byrja á leikskólanum hálfan daginn mig mig vantar vinnu á meðan að hún er að leika. Það er ekkert framboð núna. Veit ekki alveg hvað ég á að gera en vonandi reddast það. Alveg merkilegt að vinna sem maður myndi ALDREI vinna í RVK væri maður glaður að fá hérna. Já þetta er klárlega mesti gallinn við að vera í sveitinni.

Brynja er að uppgötva fleiri og fleiri skápa til að opna og tæta í sem gerir mig meira og meira smeika. Hún segir ennþá bara ISS allan daginn. Pabbi hennar var að sýna henni dýrabók og fá hana til að segja MJÁ eða VOFF en hún steinþagði. Svo loksins þegar hann sagði: hvað segir öndin þá sagði hún bara ISS. Meiri kerlingin.

Karen kom heim um helgina og það var voða gott að fá hana heim. Brynja og hún voru óaðskiljanlegar. Gaman að fylgjast með þeim:) Hún fær að passa næst þegar ég fer í bæinn á fleppið, ekki spörning;)

Ps. Ef einhver var að velta því fyrir sér hvað ég væri að gera með mynd af þessum stígvélum þá er þetta jólagjafahugmynd. Langar í svona rússkins, lágbotna stígvel uppfyrir hné í 39. Fást í gyllta kettinum og eru á 7 þús..iss það er ekki neitt;)

Nýja Oni

2008-11-01T17:15:00.002Z

Klikkaði alveg á að taka myndir af opnuninni en það voru frábærar viðtökur hjá fólkinu hérna og æðislega gaman:) Hvernig lýst ykkur á?

Plana

2008-10-29T08:58:00.003Z

Hæ:)

Já ég er semsagt að fara að opna Oni aftur í húsnæðinu sem ég var í seinasta sumar. Alltaf gaman að hafa verslun og svo var mig farið að vanta stærri vinnuaðstöðu en ég hafði hérna heima. Þar sem ég vinn alltaf best undir pressu þá er ég hin rólegasta. Fórum í fyrradag að hengja upp hillur og slár og svona, svo fór ég í gær að þrífa. Langar að reyna að henda öllu upp á morgun svo að ég þurfi sem minnst að gera á föstudaginn. Þá verður opnunar"teiti" frá 16-18. Vonandi mæta sem flestir. Ég er allaveganna ÖLL spennt:)
Sakna allra mjög mikið, það vantar svo mikið að hafa ekki fjölskyldu og vinina fyrir sunnan á svona momentum. En sem betur fer á ég æðislega tengdaforeldra og vini hérna fyrir austan. Alveg magnað þegar maður býr svona langt frá öllum þá verða vinir manns svo mikil fjölskyda manns eitthvað. Við Breiðhyltingarnir höfum allaveganna rætt það (Ég,Heiða og Helga).

Jæja er farin að gera e-h af viti;)

Síjú;)

2008-10-25T10:46:00.001+01:00

Svona fann ég dóttur mína í gær, komin uppá dótakassann. Hún á eftir að láta mig fá taugaáfall einn daginn.

6 dagar....

Kv.Íris-ÖLL að plana

?

2008-10-23T11:21:00.002+01:00

Þar sem þið eruð búin að vera svo léleg að kvitta þá ætla ég EKKI að segja ykkur hvað ég er líklega (99%líkur) að fara að gera eftir viku. Þeir ÖRFÁU sem vita það mega halda KJ!

Ohh er svoooo spennt:D

Litla-stóra Brynja

2008-10-21T14:10:00.002+01:00

Úff tók massaskref í gær. Sótti um leikskólapláss fyrir Brynju. Fannst það rosalega erfitt. Hún er svo lítil,litla barnið mitt. Sótti um hálfan daginn og ég er að spá í að fara að vinna þann tíma og svo auðvitað er það búðin mín, þannig að það verður nóg að gera. Það sem huggaði mig er það hvað hún mun hafa gott af þessu. Hef alltaf samviskubit yfir því hvað hún hittir lítið aðra krakka. Finnst líka líklegt að hún sofi 2 af þessum 4 tímum. Aðlögun byrjar 24.nóv og svo byrjar hún væntanlega alveg 1.des. Á afmælisdag móðursystur sinnar:)
Ég held að það sé líka forréttindi að hafa getað verið heima með hana 1.árið.

Annars er lítið að frétta. Var í bænum í viku um daginn. Fattaði þegar ég kom heim að ég er aldrei ÉG þegar ég er í bænum. Ég verð svo stressuð yfir því að ná ekki að gera allt sem ég þarf og ætla að gera að ég bara tjúllast. Fór 2svar að grenja útaf stressi. Þetta er ekki heilbrigt. Frekar erfitt að ætla sér að hitta alla og gera allt ein með Brynju. En þá sem ég náði að hitta var æðislegt að hitta og ég fékk mikið útúr því. Vorum hjá mömmu og eigum alltaf svo góðan tíma með henni:)

Brynja er ótrúlega dugleg eins og alltaf og alveg nóg að gera hjá henni. Opnar alla skápa, hendir bókum úr bókahillunni svona 5 sinnum á dag og er mesti prakkari sem ég hef kynnst. Það fer sko ekkert framhjá manni þegar hún er að fara að prakkarast, þá getur hún ekki horft framan í mig og er skælbrosandi. Yndisleg:) Farin að sína hvað hún er stór og segir ISS allan daginn.

Jæja fínt í bili, er farin að hengja upp jólaseríur:)

fallegar stundir í vikunni:)

2008-10-18T01:02:00.002+01:00

Var að setja inn fullt af nýjum myndum á babyland;)

2008-10-14T12:38:00.003+01:00

Alveg merkilegt hvað hugsarfarið hjá manni er fljótt að breytast. Fyrir kreppudjöfulinn þá lét ég mig dreyma um svona stöff, og svona stöff, já og smá svona stöff. Núna er ég bara svo mikið glöð með allt sem ég á og það væri besti draumurinn ef ég gæti haldið því öllu:)

Finnst ykkur ekkert leiðilegt hvað allir eru að herma eftir júníform fötunum, það eru allir að "hanna" og sauma eins föt í dag. Það er eiginlega búið að skemma þetta og gera þetta boring. Það fer að vanta eitthvað nýtt og ferskt.

Hvernig finnst ykkur lagið womanizer með Britney? Ég er að fílaða;)

Miður mín

2008-10-13T12:41:00.002+01:00

Skelfilegir hlutir að gerast í þjóðfélaginu. Ég verð alveg að viðurkenna það að ég var engann veginn að kveikja á því þegar við höfðum það gott. Auðvitað kveikir maður á perunni þegar allt fer til fjandans. Það er einhvern veginn gjörsamlega búið að sturta manni niðrí klósettið.
Svo eru jólin að koma. Hver finnur jólaandann núna? Í hvert einasta sinn sem ég kveiki á sjónvarpinu þá fæ ég í magann. Eins og maður hafi ekki verið að reyna að blokkera peningamálin fyrir.
Ekki öfunda ég nú Dönu systir að vera í London núna, úff. Litli hryðjuverkamaðurinn:)

Er stödd í rvk núna. Er eitthvað hrædd um að Brynja sé að veikjast. Auðvitað er ég ekki búin að ná að hitta alla, þannig er það alltaf. Erum samt búnar að hafa það yndislega gott:)

Kv.Íris-Ekki alveg að finna gleðina í þessu öllu saman.

2008-10-05T12:04:00.004+01:00

Rosalega líður tíminn hratt. Nei sko það eru að koma jól! Ég er farin að pæla í jólagjöfum. Hugsa að jólapakkarnir verða pínu öðruvísi þetta árið en vanalega. Segi ekki meira. (thats a secret i never tell xoxo).

Ég er alltaf á leiðinni suður. Ætlaði að rúlla um helgina en þá alltíeinu: KABÚMM hálka útum allt land! Sennilega verið að segja mér að vera bara heima.
Áttum yndislegan fjölskyldudag í gær. Ég fékk að sofa út og svo þegar ég vaknaði þá fórum við með Brynju í íþróttahúsið, fórum svo og fengum okkur að borða og svo í bíltúr. Vorum svo bara heima allan daginn að kúrast, baka og chilla og kúra fyrir framan sjónvarpið með öl um kveldið. Elska svona daga.

Horfði á nýjasta Despó þáttinn í gær. Alveg magnað hvað er hægt að hafa þessa þætti spennandi seríu eftir seríu. Ég get ekki beðið eftir að sjá næsta þátt. Þetta er snilldarverk.
Ekki get ég nú sagt það sama með prison break. Þeir eru svo feitt að skíta uppá bak. Ég vildi óska að þeir hefði hætt eftir aðra seríu. Þá hefði ég geta sagt að þetta væri bestu spennuþættir fyrr og síðar. Ég er bara orðin yfir mig þreytt líkamlega og andlega að sjá þá alltaf á þessum hlaupum.

Var að setja inn nýjar myndir hjá Brynzy girl:)

Kv.Íris

KÚL

2008-10-03T12:33:00.001+01:00

Ætli við verðum einhvern tímann aftur svona fokking kúl?

Mont

2008-10-01T13:48:00.003+01:00

Ætli það séu engin takmörk fyrir því hvað maður getur verið montin af barninu sínu?
Mér finnst hún svo falleg,klár,dugleg,skemmtileg og fyndin. Mér finnst allir sem eiga eitthvað í henni svo heppnir og þeir sem hafa möguleika á því að kynnast henni líka svoooo heppnir. Hún er best og ég er svo heppin að vera mamma hennar. Ætli það sé eitthvað betra í þessu lífi en að vera mamma? Kannki pabbi..en er ekki svo viss;)

2008-09-27T16:58:00.000+01:00

Er ég ekki örugglega á Íslandi?

2008-09-26T14:14:00.002+01:00

Fyrir nokkrum dögum síðan þá ákvað ég að prufa smá nýjung á heimilinu. Að hafa kveikt á sjónvarpinu yfir daginn. Hver var það sem ákvað það að allt sjónvarpsefni yfir daginn yrði á spænsku?

Ps.The secret bókin ef er komin í hendurnar á mér. Ætli þetta sé leyndarmálið, að segja manninum sínum að manni langi í eitthvað og þá birtist það í höndunum á manni. Sennilega verð ég að lesa bókina til þess að fá svar við því;)

Markaður og aðal leyndarmálið.....

2008-09-24T20:18:00.004+01:00

Lítið að frétta héðan. Er aðallega búin að eyða deginum í það að taka upp nýja sendingu og leika við hana Brynju mína:) Ætla að koma fljótlega suður og hafa markað, á ekki að mæta for sjur?:) Best að plana ekkert annað því að þá verður ekkert úr neinu.

Ætla að fara að koma mér í það að horfa á the secret. Finn það að mig vantar rosalega einhvers konar spark í rassinn. Er það ekki alveg "ðe shit"?

Bearnaisbræður og Bearnaisessens á Akureyri

2008-09-22T10:41:00.002+01:00

Fyrst að maðurinn minn er byrjaður að gera grín að mér á netinu þá get ég svo sem alveg eins gert það sjálf.
Það er eitthvað sem gerist fyrir mig þegar ég er á ferðalögum.
Svona almennt þá er mér svo slétt sama um hluti eins og jarðfræði, pólitík, landafræði og þess háttar.
En þegar við ferðumst þá er Kristján í kasti af því að ég verð að vita ALLT!

Við erum núna 2svar sinnum nýlega búin að fara á Akureyri og þetta eru dæmi um hluti sem mig DAUÐLANGAR að vita allt um:

Afhverju viljum við ekki fara í Evrópusambandið?
Afhverju flutti Hemmi Gunn til tælands?
Ætli það sé kúl í kúlusúkk?
Ætli Akureyri sé efnað bæjarfélag?
Afhverju myndast eldgos?
Hvað er langt síðan Katla gaus?
Hvað ætli það séu margir kokkar á Greifanum?

Og svo margt fleira sem ég get ekki opinberað, en svona er þetta stanslaust.

Ég geri mér fullt grein fyrir því að ég er að opinbera fáfræði mína í þessu bloggi en það er líka alltílagi. Ef þið viljið fá svar við hlutum eins og: Hvað gerðist í seinasta Despó þætti? Þá er ég klárlega manneskjan til að spyrja;)

Klukk

2008-09-19T17:59:00.001+01:00

Jebz, var klukkuð af Evu minni. Ég klukka svo roomy;)

Fjögur störf sem ég hef unnið.
- Sölumaður hjá Eggerti Kristjáns
- Sölumaður hjá Oni
- Deildarstjóri hjá Eimskip
- Beitningarkerling hjá Ósnesi

Fjórar bíómyndir sem ég held upp á.
- Reality bites
- Shallow Hall
- Notebook
- Beaches

Fjórir staðir sem ég hef átt heima á.
- Reykjavík
- Breiðdalsvík
- Djúpivogur
- Svíþjóð

Fjórir sjónvarpsþættir sem ég horfi mest á.
- Desperate housewives
- Brothers and sisters
- Dr.Phil
- One tree hill(ok veit, gelgja)

Fjórir staðir sem ég hef heimsótt í fríum.
- Svíþjóð
- Benidorm
- New York
- London

Fjórar síður sem ég heimsæki daglega.
- http://adalbjorgeva.bloggar.is/
- Myspace.com/onispace
- http://burbiez.blogspot.com/
- juliabirgis.bloggar.is

Fjórir réttir sem mér finnst góðir.
- Humar með hvítlauk
- Kjötsúpa
- Nautakjöt með bearnaise og frönskum
- Ítalíupizza

Fjórar bækur sem ég les árlega (hef lesið oft)
uuuu... allar misnotkunarbækur..

VerslunarSTELPAN ég :)

2008-09-17T13:18:00.007+01:00

Jæja ég er hætt í volæði, enda er það bara fyrir kerlingar. Ég er sko minnst kerling.
Í staðinn fyrir að liggja heima og væla þá skellti ég mér á Höfn á fund fyrir konur í atvinnurekstri. Þar kom margt fróðlegt fram. Mjög gott að fara á svona fund til þess að vita hvað er i gangi, heyra reynslusögur annara og fræðast um styrki og slíkt.

Ég fór út í þennan rekstur vitandi nákvæmlega ekki neitt og hef lært mikið af þessu. Ég hef bæði gert góða hluti og margt hef ég gert sem er alveg út í hött.
Ég hef samt aldrei séð eftir þessu. Í dag vinn ég við það sem mér finnst skemmtilegt og er búin að skapa mér vinnu á stað sem er ekki margt í boði atvinnulega séð.

Þegar ég var að hlusta á fyrirlestur frá frumkvöðlakonu fundarins þá fannst mér hún í frásögn sinni um sjálfa sig vera að tala að hluta til um mig. Fyrir fólki er maður svo ósýnilegur þegar maður vinnur heima hjá sér og fólk fer auðvitað að spyrja hvort maður ætlar ekki að fara að fá sér vinnu og það vantar ekki í tóninn beisikí að –hætta þessu hangsi. Auðvitað er gott að vera að vinna hjá sjálfum sér og geta ráðið sér sjálfur en maður er að vinna frá því miður vaknar þangað til maður fer að sofa. Svara fyrirspurnum, pakka, senda vörur út um allt land, stundum erlendis, innskatt/útskatt,bókhald, panta vörur í verslun,auglýsa og svo framvegis. Það er svo sem ekki furða að fólk viti ekki hvað maður en að gera en stundum verður maður pínu svekktur þegar vel gengur og það er verið að spyrja hvað maður sé að gera og svarið er netverslun og þá kemur oft að manni finnst (sérstaklega frá eldra fólki) koma smá klapp á öxlina og eftir því fylgir: já elskan.. eins og maður sé að senda eina leirkurukku á viku með pósti.

Í dag er ógeðisveður. Kristján bara heimavið og Brynja að fikta í öllum snúrum.
Heppnir þeir sem sáu fréttir í gær, til hamingju með að hafa séð fallegasta mann í heimi. Ég á hann sko:)

Kv.Íris

Lyf

2008-09-15T23:04:00.002+01:00

Hef ekki hugmyndaflug í að blogga þegar ég er með kvíða.

Ef einhver á kvíðastillandi og róandi lyf þá skal ég blogga eins og vindurinn. Annars er mér frekar illa við að taka lyf og mun sennilega ekki þiggja það..jah nema í fæðingu, er til eitthvað betra í lífinu en mænudeyfing? Jah maður spyr sig?

Dönublogg um Djúpavogsferð

2008-09-11T13:46:00.004+01:00

Þar sem ég var of löt að blogga um frábæra heimsókn Dönu systur hingað austur þá verð ég bara að fá að skella blogginu hennar um það hingað inn:

Djúpavogsferð

Ég kíkti til Írisar systur um helgina.. þar tók á móti mér lítil dama... Brynja. Ég veit ekki um skemmtilegri krakka og guð hvað ég hlakka til þegar hún byrjar að tala, sú á eftir að reita af sér brandarana!!
Helgin var æði í einu orði sagt. Íris náði í mig upp á Egilstaði og þegar við fórum í ríkið til að kaupa nokkra öllara fyrir helgina þá þorði ég varla að spurja hvort það yrði eitthvað að gerast um helgina, rétt spurði hvort það yrði trúbador eða eitthvað... en haldiði að þetta hafi ekki bara verið ein sú helgi á árinu þar sem hellings var að gerast! Skelltum okkur á tónleika með engum öðrum en Tod Sealy, oðru nafni Hornsíli... ó við elskuðum Tod... alveg svona líka já..
Daginn eftir skelltum við okkur á brekkusöng þar sem Kristján spilaði og allir sungu með, þar var boðið upp á kjötsúpu og bara kósíheit.. við Íris þráðum reyndar enn meiri kósíheit og fórum heim að kúrast og hlægja.

Slagarar helgarinnar:

,,Ótrúlega ertu djörf að þora að versla hérna þegar þú hefur ekki aldur til" - Íris við mig þegar ég stend við búðarkassann í ríkinu að borga búsið.

,,Já.. þegar tódið (kartan í nágrönnum) er orðinn aðalgæjinn þá er eitthvað orðið að" - Ég um hvað nágrannar eru orðnir leiðinlegir.

Dana: ,,Já sko ég þekki strák sem átti barbí þegar hann var lítill og hann er nú algjör tappi í dag" Íris: ,,Já og á hann kærustu í dag?" Dana: ,,EEEEEEHHHH nei..........." - Ég og Íris að rökræða um hvort það væri tilvísun á að strákar væru hommar ef þeir léku sér með dúkkur eða klæddu sig í kjóla þegar þeir væru yngri.

Já krakkar mínir, þarna sjáiði að þið misstuð af heilmiklu fjöri og ef þið skiljið ekki brandarann, ekki spurja.

Sparar mér að blogga i dag;)

Skilgreindu kaldhæðni?

2008-09-09T12:31:00.003+01:00

Hvað er það við mig sem þið tengið alltaf við kaldhæðni og svartan húmor? Ég er alltaf að heyra: Já mér var einmitt hugsað til þín þegar ég heyrði þetta...!!
Sko án gríns þá er ég búin að heyra þetta 3svar sinnum bara núna um helgina. Set inn nokkrar myndir bara svona til þess að sýna hversu mikill sykurpúði ég er í raun og veru;)

Blog update

2008-09-08T13:06:00.002+01:00

Jæja! Er öll að taka bloggið í gegn. Það fór úr því að vera mega mommy-baby mússí múss yfir í að verða ÉG. Ójé:)
Ég er búin að henda inn nokkrum linkum.
Þar sem ég datt gersamlega út úr svonnnna eiginlega internetinu yfir höfuð þegar ég varð brjóstagjafavél í nokkra mánuði þá verðið þið bara að segja mér ef þið viljið link. Alltaf gaman að hafa meira að lesa og fylgjast með fleirum. Nenni samt ómögulega að setja inn babylandssíður strax. Það tæki svona 2 ár.

Þar sem ég skipti um link á blogginu þá eru sennilega margir sem halda að ég sé hætt að blogga þannig að það væri gaman að vita hverjir vita af mér hérna á þessum link. Ég og Dana erum búnar að taka helling af myndum sem ég skelli svo inn sem fyrst.

Kv.Íris

Eru blogg að vakna aftur upp frá dauðanum?

2008-09-07T17:28:00.001+01:00

Ég var öll hrædd um það en núna td finnst mér fólk vera annað hvort farið að blogga meira eða byrjað aftur að blogga.
Þessi þarna: “Hæ esskan, segiru ekki bara gott? Sakna þín:* “ comment á myspace voru bara ekki nóg fyrir “útálandimig” :)

Mér finnst þetta svo góð leið til að halda sambandi við vinkonur mínar og að vera aðeins með því hvað er í gangi hjá þeim, svona þar sem ég varla nota síma.
Júlía var td að koma ofurfersk inn! Hún bloggaði í dag eitt það besta blogg sem ég hef lesið, var öll ánægð með konuna. HÉR má sjá það.
Eva mín má sko alveg fara að byrja aftur, það myndi gleðja mig mikið.

Dana systir er í heimsókn hjá okkur og það er búið að vera ofurgaman. Erum að fara yfir á Breiðdalsvík núna að fá okkur kjetsúpu og sýna Kristjáni ÖLL húsin sem við höfum búið í þar. Held að hann sé að míga í sig af spenningi....eða þúst..einmitt;) Annars erum við búnar að fara á tónleika og brekkusöng um helgina. Nóg að gera sko!

Ætla að missa mig í blogginu á næstu dögum og vera dugleg að svara öllum.

We are back girls...right?

Myndablogg

2008-09-01T13:22:00.004+01:00

Var líka að setja inn nokkrar myndir á babyland;) Er ferlega léleg með þá síðu, næstum því jafn léleg með hana og að skoða barnalandssíður almennt:/

En ákvað að setja inn nokkrar myndir hérna. Fórum í smá roadtrip um helgina. Ekki veitti af. Erum ekki búin að gera neitt í sumar. Er alveg að myggla hérna heima hjá mér. Pant vera EKKERT heima næsta sumar!
Lítið að frétta af okkur. Brynja er komin með 7 tennur og ekkert smá dugleg litla skottan. Ég var nú búin að gera mér grein fyrir flestu varðandi barnauppeldi en ekki því að vera á hlaupum eftir henni allan daginn frá 5 mánaða aldri. Hún byrjaði að skríða 5 og hálfs mánaða. Standa upp 6 og hálfs mánaða og étur allt og tætir núna. Ekkert stopp sko hehe.
Langar að fara að koma suður og stoppa í smá tíma, mæti á pleisið þegar ég verð búin að vinna í víkingalottó ok?;)

Bestu kveðjur að austan, sakna allra gríðalega. Megið vera dugleg að commenta hérna. Alltaf svo gaman þegar það myndast smá spjallsamfélag á blogginu:)

Kveikjum á kerti

2008-08-27T10:36:00.002+01:00

Í hvert sinn sem ég sé þessa fyrirsögn þá hugsa ég um hundinn LÚKAS! Er það bara ég eða?

Punktablogg

2008-08-23T20:40:00.003+01:00

*Ríkið er fyndnasti íslenski þáttur sem ég hef á ævi minni séð bahahahah!!
*Hversu mikil fegurð er í því þegar nágannakona manns kemur með Blómvönd af Írisum yfir? Dalakonur rokka!!
*Ég ætla að vakna kl 7.15 til að horfa á íþróttir...jebbbbz ÍÞRÓTTIR. unbíbívabúl? Bílífit!! Allir velkomnir:)
*Langaði á menningarótt,svo frétti ég af rigningu. Þá varð mér kalt og er sátt með að vera bara heima..sweeeet home alabama!:)
*Góða helgi allir..SKÁL

Ble

2008-08-22T13:52:00.002+01:00

Ég er ekki að koma mér af stað hérna aftur. Ekki mikið að frétta svo sem. Nema það kannski að Brynja var í lengstu pössun sinni hingað til seinustu helgi, náði alveg 4,5 tíma meðan mamman og pabbinn fóru í partý. Karen var svo góð að taka villinginn að sér. Öss hvað var gott að fá sér bjór og verða blekuð!! Alveg gjörsamlega möst fyrir sál og ...nei kannski minnst fyrir líkama? Mér fannst ég algerlega endurnærð og sagði vandræðalega oft: uuuuu..nei sko LOVE IT! Svo var ég smá þunn líka og brosti allan hringinn. Þvílíkt gaman að vera þunn eftir eins og hálfs árs pásu:)

Spurning um að fara að breyta linknum á blogginu fyrst að ég er farin að tala um að vera blekuð? Æjj það er ekki eins og það gerist oft;)

Brynja er öll hress og er aldeilis búin að vera að blekkja mömmu sína. Ég hélt að hún væri orðin öll feit og fín (útaf bollukinnunum) en svo fórum við í 8 mánaða skoðun í gær og hún var bara búin að þyngjast um 140 gr á 2 mánuðum. Þannig að hún var bara 7,54 kíló og 67,5 cm litla skottan. Þannig að við þurfum að fara að bæta við máltíð og gefa henni meira af mjólk þar sem hún var undir miðað við það sem meðaltalið er:/ En samt var alltí góðu. Þykir víst alveg eðlilegt af því að hún hreyfir sig svo mikið.

Þetta er svo allt of fljótt að líða, eftir 4 mánuði er ég að fara að halda upp á eins árs afmælið hjá frumburðinum. Ég fer næstum því að grenja við tilhugsunina. Hún var að fæðast?

En útí annað, vil einhver benda mér á barnafatanetverslun þar sem eru flott föt og ég þarf ekki að taka veð í frumburðinum og fá mér bankalán til að versla kjól á barnið? Vitið þið um slíkt?
Langar sko mest að fara að komast í EXIT og ZÖRU. Mér finnst ZÖRU barnafötin klikkuð. Barnið er svo fatalaust og ég er ekki á leiðinni í bæinn fljótlega. ANYONE?

Bestu kveðjur úr sveitinni, fer að henda inn myndum fljótlega.

Er til meira krútt!!

2008-08-12T22:30:00.002+01:00

Nýjar myndir á Babyland:)

2008-07-28T18:05:00.002+01:00

Brynja okkar 7 mánaða í DAG:)

2008-07-20T12:23:00.002+01:00

Brynja 3-7 mánaða..

Brynja stendur upp..

Kallinn fertugur í dag;)

2008-06-26T10:00:00.000+01:00

Til hamingju með afmælið elsku ástin mín:*

Er einmitt að búa til svona morgunmat núna til að færa honum í rúmið:)

Ble

2008-06-22T17:00:00.000+01:00

Áður fyrr var frí að þurfa ekki að gera húsverk. Núna er frí að gera húsverk barnlaus...jájá svona er það nú bara;)

Kannast einhver við þetta?

2008-04-12T17:02:00.000+01:00

Nenni þessu ekki í bili. Fyrir þá sem vilja fylgjast með Brynju þá er þetta slóðin á síðuna hennar http://brynjakristjansdottir.barnaland.is/
Þið bara sendið okkur póst hingað iriskonnadottir@hotmail.com ef þið viljið lykilorðið.

Takk fyrir að vera með alla meðgönguna og fylgjast með okkur. Þetta er búið að vera gaman:)

Brynja 6 daga og Brynja 3 mánaða+3vikna :)

2008-04-12T15:22:00.000+01:00

2008-04-11T14:29:00.000+01:00

Hæhæ :)

Allt að gerast, brjálað slúður og bilað fyllery! Neinei.. laaaaaaaaaaaangt síðan maður hætti að vera svo spennandi. Sem er ágætt.
Skírnin var frábær og allt gekk rosa vel. Fyrir mér var þessi dagur fullkominn. Athöfnin var mjög falleg. Mæður okkar (sem eru með sömu seinni kennitölu, hversu merkilegt er það?) voru skírnarvottar, ég hélt á Brynju undir skírn og hún var eins góð og alltaf. Það var alveg vonlaust fyrir mig að horfa til fólksins meðan við vorum upp á altarinu. Eva vinkona var svo spennt að hún brosti allan hringinn. Ég hefði skellt uppúr hefði ég horft meira til hennar:) Veislan var heima hjá pabba og Beggu sem voru svo góð að lána okkur höllina sína og veitingar voru gerðar af þeim, mömmu, ömmu, Svövu og Elvu vinkonu. TAKKTAKK allir. Við vorum algerlega búin eftir daginn þó svo að við gerðum nánast ekkert sjálf. Sofnuðum klukkan 10!

Náði loksins að hitta mínar heittelskuðu vinkonur úr Eimskip, þvílík snilld eins og alltaf. Það er alltaf helgið stanslaust allan tímann. Brynja fór með og náði að bræða þær.

Það er alltaf gaman og nauðsynlegt að koma suður og sjá framan í fólk og svona en rosalega verð ég þreytt á þessari umferð. Nenni varla út þegar ég er þarna. Allur dagurinn fer í að keyra á milli. Mér finnst þetta svo mikil tímasóun.
Ég vart að pæla í því þegar ég var þarna, ég td. gleymdi skiptitöskunni þegar ég var komin úr Grafarholtinu á Breiðholtsbrautina og þurfti þá að fara aftur í Grafarholtið og svo í Kópavoginn og svo heim til mömmu aftur í Grafarholtið. Og að vera dröslast með krakka í búð á umferðartíma og út um allar trissur, hvar finnur fólk tíma þarna til að vera fjölskylda eftir vinnu? Það er nokkuð ljóst að ég yrði alltaf þreytta og pirraða mamman þarna. Hvernig farið þið að þessu þarna ofurkonur?

Ég er að pæla í að lita á mér hárið meira ljós og nokkuð stutt bara, má ég það?

Læt fylgja með nokkrar myndir sem ég tók af Brynjunni í gær.

Kv.Íris

Brynja

2008-04-08T22:49:00.000+01:00

Takk fyrir að hafa tekið þátt í deginum með okkur og fyrir allar fallegu gjafnirnar. Þessi dagur var fullkominn:)

Nýjar myndir í mars albúmi og nýtt skírnar albúm í Brynju albúmi.

Í+K Eiga 3 ára ammli í dag:)

2008-03-26T16:43:00.001Z

Til Hamingju við:)

Gleðilega páska:)

2008-03-24T14:49:00.000Z

blogg blogg.. hvað á maður að blogga um?

Loksins eftir 400 pælingar um skírnina hennar Brynju þá erum við loksins búin að ákveða dag, tíma og kirkju......já og LANDSHLUTA! Aðeins flóknara með nafnið, það verður bara að koma í ljós. Kannski ekki einu sinni Brynja? Ég og Kristján eigum ekki að gera plön. Við þurfum alltaf að breyta þeim svona 10 sinnum áður en við finnum niðurstöðu. Skírn er flókið fyrirbæri. Auðvitað vil maður hafa alla sem maður þekkir en það er bara ekkert hægt. En engan vil maður heldur særa. Ef við myndum td bjóða öllum börnum líka þá yrði þetta um 100 manns. Bara fínasta fermingarveisla. Það er samt svo leiðinlegt að þurfa að skera svona niður af því að auðvitað eru börnin líka hluti af fjölskyldunni. En þá væri heldur ekki hægt að skíra blessað barnið:) Þannig að þetta verður bara allra nánasta fjölskyldan og nokkrar vinkonur sem maður er búin að þekkja síðan í æsku. Svo það sé algerlega á hreinu þá mun ég ALDREI móðgast eftir þetta ef það einhver býður mér ekki í skírn, ég skil það SVOOOO VEL:)

Annars er maður bara að dúllast í fæðingarorlofi og hafa það gaman. Brynjan mín er alltaf ÖLL hress og finnst flest allt fyndið í lífinu.

Um 2 leytið á daginn þá fer ég yfirleitt í smá göngu með vagninn og ipodinn minn. Ég elska hann poda litla. Rosalega er erfitt stundum að syngja ekki bilað mikið með og stundum jafnvel dansa og hoppa með út á miðri götu. Kannist þið við þetta?. En ég læt mér nægja í bili að hreyfa varirnar.

Mig langar ekkert smá mikið að kíkja eitthvað út í sumar. Spurning hvert? Við kærustuparið eigum nú bæði gjafabréf út þannig að maður verður nú að fara að nýta það. Þori varla með Brynju, ég er svo mikil hæna.

Jæja þetta er nóg í bili, læt nokkara myndir fylgja..

Hneyksli og afmæli

2008-03-20T16:03:00.000Z

Mæli með að allir horfi á kompás þáttinn sem var á þriðjudaginn. Sýnir manni hvað þetta kerfi er rotið! Að maður skuli búa með barn í þessu landi er til háborinnar skammar. Þið getið séð hann HÉRNA .

Litla prinsessan mín er 3 mánaða í dag. Hún er orðin svo stór. Enginn smá munur á henni. Spurning um að fara að kaupa fermingardressið!

Nýjar myndir á bjútíbollu Kristjáns síðu:)

2008-03-18T09:09:00.000Z

Var að bæta inn nokkrum myndum á Brynju síðu.

Snæsan er farin frá okkur:( Fórum út á borða á föstudaginn svona til að kveðja hana. Það var æðislega gaman:) Þar sem okkur leist ekkert á að hún væri að fara þá gáfum við henni flugmiða fram og til baka á Hammondhátíðina sem verður í maí. Þýðir ekkert að fara svona og láta svo ekki sjá sig sem fyrst aftur, þannig að við vorum bara að tryggja okkur hina bestu skemmtun í maí;) Skil samt ekkert afhverju við vorum að kaupa þenna flugmiða til baka!

Furðulegt að maður geri þetta ekki oftar, draga stelpurnar út að borða og eiga notalega kveldstund, þarf ekkert að vera meira en það.

Það er margt að brjótast um í hausnum á hinni nýbökuðu móður. Margt sem henni langar að gera. Spurning um að gera bara alla vitleysu sem manni dettur í hug? Annars væri mér svo sem slétt sama þótt ég myndi ekki gera neitt annað í lífinu en að eyða því með henni dóttur minni. Hún er hugsanlega skemmtilegasta og fyndnasta manneskja sem ég hef kynnst. En manni langar að reyna að skapa okkur betra líf og þá verður maður víst að reyna að vera svolítið frjór í hausnum þar sem það er nú ekki margt í boði á svona litlum stað.

Já pælum í því síðar.

Núna eru krakkarnir hjá okkur og verður yfir páskana. 7 manna fjölskylda takk fyrir pent:) En við spilum allt á rólegheitunum og höfum það öll voða gott. Svo ætla Unnur Jóna, systir hennar og börn að kíkja á okkur um helgina og kannski að marr fái að sjá framan í Lindu og Jóhönnu líka. Það yrði aldeilis gleði:)

Síjú:)

Blogg

2008-03-14T12:46:00.000Z

Ég elska að lesa blogg. Ég vildi að fleiri vinkonur mínar myndu blogga. Aðallega af því að ég er svo léleg við að hringja í þær og þá er þetta fín leið til að fá fréttir. Stelpur koma svo!!:)

Stundum les ég blogg sem mér finnst svo dauðans fyndin að ég get hugsað um þau heilu dagana. Það gerist oft þegar ég les bloggið hennar Ölmu. ÞETTA finnst mér til dæmis alveg drrrrrrrep fyndið!

Stefna helgarinnar er að fara með fullt af skvísum út að borða í kveld og hafa það svo notalegt það sem eftir er helgarinnar. Set inn myndir um helgina og kannski verð dugleg að blogga, hver veit:)

Kv.Íris

Ps. Fyrst að ég er byrjuð að linka hægri vinstri þá finnst mér ÞETTA líka drep fyndið. Pant frekar stela timbri en að verða eins leiðinleg og Bubbi er orðinn.

Ohh Britney hvað sko!!

2008-03-11T00:44:00.000Z

Nýjar myndir á babyland:)

2008-03-07T14:51:00.000Z

2008-03-02T14:40:00.000Z

Jæja helgin að klárast. Hún er búin að vera æði. Karen kom loksins heim. Ekkert smá gott að hafa hana hérna. Draga hana með sér í göngutúr og leyfa þeim systrum að dúllast saman:) Get ekki beðið eftir sumrinu:)

Buðum svo tengdó í mat í gærkveldi og áttum yndislegt kveld. Svo í dag ætluðum við að fara með dæturnar á heimilinu á skíði en ég og Brynja sváfum svo illa í nótt þannig að við sendum bara þau feðgin á skíði.

Kristján hefur bara farið einu sinni á skíði og það var með mér í fyrra og Karen hefur aldrei farið. Hefði verið gaman að sjá hana hehe:) En við erum nú samt búin að ákveða að verða skíðafjölskylda, fara til Aspen á skíði alla páska. Hvað er meira töff en það;)

Ég ætla að skella henni Brynju á skíði um leið og hún hefur líkamlega möguleika til þess, það er svo krúttlegt að sjá svona litla krakka á skíðum.

Im out..

Kv.Íris

2008-02-29T14:05:00.000Z

Var að setja nokkrar myndir inná Brynju síðu, seinustu feb myndirnar:)

Annars er lítið að frétta barasta.

Ég er ósátt með Eurovision, en þið? Ég held að eina lagið sem hefði átt séns á að koma okkur upp úr undankeppninni er The wiggle wiggle song. Hanska og hoho lagið eru bara týpísk flepp lög sem allir eru að fara með í þessa keppni til að vera sneðugir. Hef samt gaman af hoho laginu. Mér finnst líka Ragnheiðar lagið flott en kannski ekki beint eurovision.

Bandið hans Bubba er nú að skána. Þetta var hræðilegt fyrst, bara Bubbi með sínar "frábæru" lífsreynslusögur. En mér sýnist á öllu að hann Villi ætli að bjarga þættinum. Finnst hann sko drepfyndinn!! Ég er svona nokkrun veginn búin að mynda mér skoðun á því hverjir mér finnst bestir þarna. Ég get nú samt gefið það strax upp að greyið litli pésastrákurinn hann Hjálmar fær ekki mitt atkvæði, mússí mús:)

Ég var að pæla í því í gær að ég er loksins farin að lifa í núinu. Held að það gerist ekki fyrr en maður verði fullkomlega hamingjusamur að öllu leiti að maður hætti að lifa í fortíðinni eða sé stöðugt að hugsa um að hlutirnir verði betri. NÚNA er best:)

Góða helgi allir:*

2008-02-25T16:59:00.000Z

2008-02-22T13:29:00.000Z

Takk fyrir allar kveðjurnar elskulega fólkið mitt:) Dagurinn í gær var mjög góður. Reyndi eins og ég gat að fara í fýlu yfir að þetta væri ekki nægilega góður afmælisdagur en það tókst ekki. Hann var alveg eins og hann átti að vera. Bara rólegheit út í gegn:)

Við þurfum víst að fara að skíra skvísuna okkar fljótlega. En ég verð þó að viðurkenna að við erum ekki búin að ákveða nafn*roðn*. Við höfum allaveganna tíma fram að skírn. Hvort að það verði bara Brynja, Brynja og annað nafn, eða bara eitthvað allt annað er bara ekki komið á hreint hreinskilnislega sagt. Nýjasta tillaga okkar Kristjáns er Brynja álfur af því að þá er það í rauninni í höfuðið á Brynjólfi vinnufélaga Kristjáns:)

Endilega hjálpið okkur með þetta, ef þið eruð með tillögur þá sendilega skiljið eftir comment:)

Bored

2008-02-20T14:37:00.000Z

Jæja það lítur út fyrir að barnið mitt ætli að sofa í allan dag. Lítið að gera í minni vinnu, vill gerast þegar eg er ekki búin að vera að sinna henni. Þannig að mér dauðleiðist bara.
Barnið er búið í skoðun, kom allt vel út og hún orðin 5 kíló. Ég brilleraði á 2 mánaða þunglyndisprófi og er bara hin hressasta. Svo er ég búin að fara í sturtu, búin að snyrta á mér hendur og fætur, búin að fara í gegnum vörurnar mínar og gefa slatta af kínaskóm, búin að reyna við kerlingar á Facebook síðunni hans Kristjáns þannig að ég er verkefnalaus!!
Ömurlegt veður þannig að ég nenni ekki í göngutúr, hvað gera bændur þá? Segið mér nú eitthvað skemmtilegt....:)

Ps. Hvernig hættir maður að rugga sér og öllu í kringum sig þegar maður á barn og barnið er sofandi?

Kv.Íris-27 ára á morgun og baby Brynja 2 mánaða
i dag:)

2008-02-18T21:06:00.000Z

Jæja loksins sest maður fyrir framan tölvuna í rólegheitum. Tók mér vikufrí frá ONI og það er búið að vera voða gott. Það var brjálað að gera á meðgöngunni og líka eftir að skottan mín fæddist. Þannig að alltaf þegar hún sofnar þá fer ég í tölvuna að selja. Ég var orðin frekar þreytt og nenni varla úr fríinu mínu núna hehe. Þetta er búið að vera ansi lítið fæðingarorlof. Er farið að langa að horfa bara á videospólu þegar hún sefur:)

Brynja mín er alger engill. Hún bara sefur og drekkur og lætur voða lítið heyra í sér. Það er greinilega verið að undirbúa mann fyrir unglingsárin;) Fórum í skoðum fyrir einni og hálfri viku. Þá var hún orðin 57.5 cm og 4688 gr og allt leit voða vel út.

Kristján fór til Noregs í síðustu viku og við Brynja fórum með í bæinn og vorum í næstum því viku. Vorum hjá mömmu og Rakel og það var æðislegt. Þeim fannst allt fyndið sem hún gerði og sáu ekki sólina fyrir henni, alveg eins og foreldrarnir. Ég var orðin svo spennt að vera svona "lengi" og ætlaði aldeilis að vera í heimsóknum og búðum allan tíman....ég fór í eina heimsókn og rétt kíkti í búðir af því að mamma henti mér út til þess að hún fengi að passa;) Það sem áður tók 3 daga tekur núna sennilega mánuð með baby. En það skiptir engu, tíminn með Brynju er alltaf bestur. Hefði samt vilja hitta mun fleiri. Bíð hér með fólki í heimsókn austur.

Var að bæta inn myndum í albúmið, ekkert vera hrædd við að spyrja um lykilorðið og endilega kvittið fyrir komunni:)

Það er stór vika í fjölskyldunni, Brynja verður 2 mánaða á miðvikudaginn og ég verð 27 ára á fimmtudag, til hamingju við bestustu mæðgurnar:)

Brynja töffarastelpa

2008-02-18T13:32:00.000Z

Lofum að setja inn fleiri myndir í albúmið og blogga sem fyrst:)

2008-02-07T08:54:00.000Z

Erum komin með nýja myndsíðu, hitt var ekkert að virka. Ekki vera hrædd við að biðja um lykilorð:) Linkurinn á myndasíðuna er efst í hægra horninu:)

Isnt she lovely made from love:)

2008-02-02T16:23:00.000Z

Það er alveg nokkuð ljóst að ég er búin vera með þetta lag á heilanum síðan barnið fæddist:) Góða helgi allir og takk fyrir commentin:)

Heppin ég að eiga svona sætar rjómabollur:)

2008-01-30T20:40:00.000Z

2008-01-28T12:55:00.000Z

Jæja er að henda inn myndum, verð að vera duglegri:) Lítið að frétta af okkur svo sem. Kristján er búinn í fæðingarorlofinu sínu í bili þannig að við mæðgur erum bara að kúra tvær núna á daginn, enda var þetta orðið ágætt þegar hann var farinn að segja mér frá öllu því nýjasta í fótboltanum, þá var kominn tími á að hann færi í vinnuna að hitta strákana:)

Annars látum við heyra í okkur meira seinna. Endilega kommentið til að láta mig vita hvort einhver sé að skoða ennþá, marr veit aldrei.

Brynja Bogamaður

2008-01-23T01:33:00.000Z

Jæja ætli ég riti ekki niður nokkur orð:)

Brynja litla á mig algerlega skuldlaust þessa dagana, mér finnst ég alltaf vera vond við hana ef ég sný mér undan. Kíkti á stelpurnar um helgina og var í einn og hálfan klukkutíma..það er lengsti tíminn sem ég hef farið frá henni. Ég var öll hissa að Kristján hringdi ekki og það þau væri ekki ómöguleg án mín, þannig að ég hringdi bara og "fékk" að koma heim:)

Það var svo gaman (og nauðsynlegt) að hitta stelpurnar aðeins en guð hvað ég saknaði monsunnar.

Brynja mín er alveg einstaklega glaður krakki. Hún brosir og brosir þessa dagana. Það er alveg skemmtilegast af öllu að vera á skiptiborðinu og hún horfir alltaf í sama hornið og skemmtir sér svo vel. Ég hugsa alltaf að Kiddi frændi sé að leika við hana. Hann hefði elskað Brynjuna svo mikið. Ég sakna hans svo, finnst erfitt að hún fái aldrei að kynnast honum.

Það er svo skrítið að vera orðin mamma, en samt var það svo eðlilegt um leið og hún fæddist. Hugsa að það sé aðallega pælingin sem er svo skrítin. Hugsa svo oft: Vá ég á litla stelpu, hversu frábært er það:)

Ég er greinilega alveg einstaklega heppin af því að ekki eitt andartak síðan hún fæddist hefur mér fundist þetta erfitt. Það er eiginlega eins og hún hafi alltaf verið hluti af mínu lífi. Finn enga þannig breytingu nema að það er þúsundfalt meiri gleði á hverjum degi. Mér finnst allt merkilegt og fyndið sem hún gerir.

Fyrir átti ég frábært líf og það var svo gaman, en núna er það svo miklu skemmtilegra:)

Greyið mamma hélt að ég væri að grínast þegar hún hringdi á mánaðarafmælinu hennar og ég var að gera brauðrétt og Karen var að gera köku. Auðvitað var afmælisveisla á heimilinu hehe:) Ég er nú samt greinilega ekki sú eina sem er að missa mig mamma mín, takk fyrir pakkann í dag:) Hringjum í þig á morgun:*

Jæja bið að heilsa í bili, finnst voða leiðinlegt að hafa ykkur sem eruð fyrir sunnan ekki nálægt okkur, langar svo að deila barninu með ykkur:) Set inn fleiri myndir fljótlega.

Kv.Íris

Ulla:P

2008-01-19T19:57:00.000Z

Brynja mín er 1 mánaða í dag 20 jan, ég er engan vegin tilbúin í að hún sé orðin svona "gömul", mér finnst þetta svindl þar sem að það eru bara svona 2 dagar síðan hún fæddist.. er það ekki?:)
Annars gengur bara svo rosalega vel, hún er alger engill. Ég ,Kristján og Karen keppumst um að vera með hana og erum sífellt að sýna hvort öðru hvað hún er fyndin, Brynja er sko snillingur:) Var að setja fleiri myndir í albúmið hennar.

2008-01-12T16:15:00.000Z

Var að setja inn myndir í albúmið hennar, það er hérna efst í hægra horninu:)

Það er sko fullt búið að gerast í lífi hennar Brynju minnar undanfarið. Við mæðgur flugum suður seinasta föstudag og það gekk eins og í sögu. Brynja er búin að hitta nánast alla í nánustu móðurfjölskyldu sinni og fullt af vinum mömmu sinnar. Allir gáfu prinsessunni þvílíkt flottar gjafir og við þökkum kærlega fyrir það:*

Mamma(amma) og pabbi(afi) komu að leika við Brynju sína á hverjum degi og nutu þess aldeilis að hafa hana í bænum. Við gistum hjá ömmu minni og afa og það höfðum það þvílíkt gott.

Við ákváðum að fresta skírninni aðeins þar sem við gátum ekki hugsað okkur að ferðast með hana aftur nokkrum dögum seinna. Það er aðeins of mikið fyrir svona lítið barn. En við skírum sennilega mjög fljótlega:)

Við sjáum ekki ennþá að hún sé lík neinum. Okkur finnst hún bara einstök Brynja, en það sögðu ansi margir að hún væri með augnsvipinn hans Kristjáns. Mamma og pabbi reyndu nú að sannfæra mig um að hún væri lík mér eins og ég var á hennar aldri. Ég held að hún sé nú bara blessunarlega laus við að líkjast mér þessi elska:)

Annars gengur rosa vel, hún bara sefur og drekkur og er yndisleg.

Kv.Íris-stoltust í heimi af litlu Brynjunni sinni

2008-01-09T22:16:00.000Z

Ég heiti Brynja:)

Gleðilegt nýtt ár allir og takk fyrir það gamla:)

2008-01-01T18:25:00.000Z

Jæja núna er komin myndsíða. http://kristjansdottir.myphotoalbum.com/

Lillan bara sefur og borðar og er rosalega vær. Ég sé eftir hverjum einasta degi sem er búinn að líða og vil helst upplifa hann aftur. Mér finnst bara eins og ég fái aldrei nægan tíma með henni. Oft langar mig bara að vekja hana;)

Þegar við fórum útaf spítalanum þá var hún 3310gr. Við fórum með hana í vigtun á föstudaginn og þá vildi ljósan að hún yrði komin í sína fæðingarþyngd aftur en hún var orðin 3585gr þessi elska:) Þannig að hún er allaveganna að fá nóg.

Við mæðgur komum ekki suður fyrr en á föstudaginn en við stoppum þangað til á þriðjudag. Hlakka til að sjá ykkur, endilega verið í bandi.

Takk fyrir okkur:*

2007-12-27T20:06:00.001Z

Hæ allt okkar besta fólk:)
Takk æðislega fyrir allar kveðjurnar, þið eruð æðisleg. Búið að vera ekkert smá gaman að fylgjast með blogginu og fá smsin og símtölin. Við erum heppin með fólkið í kringum okkur..það er alveg á hreinu.
Veran á Norðfirði var yndisleg, við komum um hádegi á miðvikudeginum og komum heim á aðfangadag. Ég sé sko ekki eftir að hafa átt lillu mína þarna. Fengum stóra stofu útaf fyrir okkur og hún var eina barnið þannig að það var dekrað við okkur allan tíman. Ljósmóðirnin var yndisleg og allt starfsfólkið þarna.
Það er ekkert og þá meina ég EKKERT sem hefði getað undirbúið mig undir hversu yndislegt var að fá þessa litlu fullkomnu dís í fangið. Ég var flissandi af gleði og Kristján var gersamlega með frosið bros og gat ekki talað af gleði. Hún er og verður alltaf mitt stæðsta afrek, það skiptir engu máli hvað ég mun gera annað í lífinu. Ég er búin að vera svo hamingjusöm og glöð síðan hún fæddist og ekkert smá viðkvæm þegar ég hugsa um hana. Á aðfangadagskvöld þá var ég að ganga frá eftir matinn og svo kom Kristján inn í eldhús og þar stend ég hágrátandi og hann tekur utan um mig og spyr hvað sé að, ég sagðist ekki geta sagt honum það og svo spurði hann aftur og þá sagði ég: Ég er bara svo ánægð með hana:) Sömu nótt sat ég grátandi með hana í fanginu af gleði. Þetta er alveg magnað, mig hefði aldrei grunað þetta, mér finnst svo margt sem ég skil svo miklu betur núna. Daginn eftir að hún fæddist þá ligg ég með hana inn á spítlanum og labbar ekki bara mamma inná stofuna til okkar, mér brá svo að eina sem ég gat sagt var: ertu að grínast!!
Hún kom um hádegið og var hjá okkur til miðnættis og tók svo flug suður daginn eftir. Það var YNDISLEGT að fá hana til okkar og svo algerlega óvænt. Hún gersamlega féll fyrir barninu og fannst hún fallegasta barn í öllum heiminum, öll að deyja úr stolti. Alveg ómetanlega góður dagur sem við áttum saman.

Eftir að við komum heim þá hefur allt gengið eins og í sögu. Hún bara drekkur og sefur og ég er farin að sofa. Svaf ekkert fyrstu dagana eftir að hún fæddist, hvernig er það hægt eftir svona magnaða lífsreynslu..ég bara lá og starði á hana;) Greyið er svo lítil og svo mikil spíra að foreldrarnir eru í vandræðum með að finna föt á barnið, hún gersamlega drukknar í öllum fötum hehe. Mamma(amman) var að finna baby born peysu hjá sér og er alveg viss um að hún muni passa í hana. Skildist á Karen að hún virki miklu stærri á myndum en hún er.

Ég er að vinna í að búa til myndasíðu þannig að ég mun skella henni hingað inn sem fyrst. Ekki veitir af, held að öll fjölskylda mín kíki oft hingað á dag að skoða myndir híhí.

Ég ætla að koma suður í byrjun janúar (2 eða 3 sennilega) og leyfa öllum að knúsa hana sem vilja. Það væri frábært að sjá sem flesta.

Ps. vonandi sendi ég öllum sms sem ég ætlaði, var í smá móki þarna:)

Kjánaprik Kristjánsdóttir

2007-12-24T15:06:00.000Z

Fyrstu myndir

2007-12-22T15:24:00.000Z

Stúlkubarn, fædd kl 16:33, 20. desember 2007 (Bogamaður), 3570 gr 54 cm.

Kveðja, Íris, Kristján og stelpuskott.

Óléttu uppgjör

2007-12-15T05:57:00.000Z

41v1d. Markmiðinu er náð og ég er að fara að eignast barn. Í seinasta lagi sennilega á mán-þrið:) Hversu magnað er það?
Fyrir þær sem hafa ekki orðið óléttar og horfa bara í þá daga sem eru erfiðir hjá óléttum konum..forget it!! Td. var Karen að fræða Matta um það um daginn að óléttar konur myndu ekkert sofa og væri alltaf ælandi:) Ég hugsaði bara æjjj það er ekki það eina. Það má ekki gleyma því að fyrstu 7 mánuðina fann ég ekki fyrir því að ég væri ólétt. Ég hafði sennilega ekki gert neitt auðveldara og var farin að halda að allar konur væru að ýkja þetta ástand stórlega! Eftir það fór þetta hægt og sígandi að taka aðeins á. Aðallega að vera svefnlaus, það getur nú gert hvern sem er geðveikan eftir smá tíma, ekki bara ólétta konu. Flökurleika bjóst ég hvort sem er við að myndi fylgja óléttu þannig að það var nú ekkert sjokk. Kannski bara skrítinn tími á meðgöngu að fara að byrja á því og þá aðallega með barnið í huga, að ég sé að meiða það.
Mér finnst þetta magnað. Alltaf hefur mér þótt gaman að heyra að vinkonur mínar séu óléttar en núna einhvern veginn fer ég á flug. Ég er ekki að segja að ég viti allt betur eða sé meiri manneskja fyrir vikið en það er bara svo magnað og það fyrsta sem ég hugsa er bara: hvað get ég gert til að gera þetta skemmtilegra og auðveldara fyrir hana? Ég fer alveg í gírinn sko:)
Ég persónulega vona að sem flestir upplifi þetta og þó svo að ég sé komin þetta langt og sé að bíða eftir hágrenjandi barni með skeifu á munninum (hvað er krúttlegra), þá get ég ekki beðið eftir að gera þetta aftur og ekki eitt andartak hef ég hugsað að þetta sé ekki þess virði. Þetta er bara gaman. Núna bara krossar maður putta að það sé allt í góðu lagi hjá músinni sinni.

Núna er ég í fullkomnunarfílingnum, finnst eins og það verði ekki séns á að taka til hérna eftir að barnið fæðist og allt verður að vera fullkomið!! Klára öll ókláruð mál og jólapakkar fóru úr húsi í gær, spítalataskan var tilbúin fyrir viku síðan. IM READY:D

Sennilega verð ég á Neskaupstað alla næstu viku þannig að ég læt heyra í mér hérna eftir það:)

Kv.Íris 41v1d

BINGO:D

2007-12-13T07:22:00.000Z

Þarna vorum við komin 3 mán á leið.. fljótt að breystast :D

40v6d..iss það er ekki neitt. Uuuuuuuuu víst það er hellingur.
Það er ekkert að gerast nema einhverjir verkir og stingir sem ég fann hvort sem er líka í seinustu viku piff!!
Svefnleysi og flökurleiki er búið að vera algert hell seinustu daga(vikur,mánuði) og ég öll búin á því. Fór í mæðraskoðun í gær og henni leist ekkert á þetta ástand. Þetta er vont fyrir mig og barnið og hræðilegt að fara svona langþreytt í fæðinguna. Þannig að ég fékk svefntöflur fyrir svona eins og 3 nætur þannig að ég verði meira undir þetta búin, hún sagði að hún hefði ekki viljað gefa mér þetta fyrr en núna af því að núna væru nýrun á barninu svo þroskuð þannig að það væri allt annað að ég væri að taka þetta núna. Hún er líka búin að þrýsta á þá á norðfirði að setja mig í gangsetningu og þá verður miðað við það að samkvæmt blæðingum þá átti ég að eiga 2.des þannig að samkvæmt því þá verð ég komin 42v1d

á mánudaginn þannig að ég fékk tíma þá kl 14.30 og þá verð ég með öllum líkindum sett af stað með tilliti til heilsufars og annars:) Svo vil hún að ég verði inná spítalanum í svona 4-5 daga eftir fæðingu þar sem það er engin heimahjúkrun hérna og hún vil að ég fari bara örugg út varðandi brjóstagjöf og annað. Þannig að við verðum komin heim bara rétt fyrir jólin. Frekar skrítið þar sem ég var alveg búin að ákveða það að ég kæmist suður fyrir jólin.
Þá er bara næsta stefna suður í byrjun janúar, gengur ekki að hafa barnið nafnlaust fram eftir öllu;)

En ég er samt ákveðin í því að barnið komi 14.des. Ég er ÖLL að vinna í þessu. Ætla að fara á jólabingó í kveld og þar sem mér finnst það svo ógeð gaman og spennó þá æstist ég svo upp að ég á sennilega eftir að missa vatnið:D Já ég er NÖRD ég veit:)

Kv.Íris og bíngó litli í bingóblús jeeeee;)

Ha?

2007-12-11T03:10:00.000Z

Úff mér liggur eitt svo mikið á hjarta núna. Held að það sé ástæðan fyrir svefnleysi mínu? Sko eins og flestir vita þá er ég svo langt frá því að vera einhver tískudrottning. Ég hef alltaf verið frekar mikil plain Jane. Ég verð þó að viðurkenna að ég hef dottið niður í flestar gryfjur tískunnar þegar það koma einhver svona ÆÐI fyrir einhverju (hver man ekki eftir röndóttu buxunum hérna í den til dæmis, úff mér fannst ég gella). Það hefur þó komið eitt og eitt inn á milli sem ég skil ekki og get ekki fílað sama þótt allir séu í því (til dæmis vaxjakkarnir í 6 bekk).
Núna er að komið fyrirbæri sem ég skil ekki og get ekki skilið.Sorry ef einhver hérna á svoleiðis en ég á pottþétt líka margt sem ykkur finnst weird/ljótt. Allaveganna svo að ég komi mér að efninu....PALLÍETTUHÚFUR? Er einhver að ná þessu? ANYONE? Viljið þið útskýra þetta fyrir mér svo að ég fari að fá einhvern svefn...PLÍS!!

Annars er ekkert að frétta, ég er farin að halda að Lajla vinni pottinn. Er farin að hallast að því. Þá fá Maggý og Rakel æskuvinkona drenginn í ammligjöf.
Var að fá sendingu í dag frá pabba mínum, guð minn góður kallinn kann sko að versla barnaföt!! Er alltaf að taka þetta upp og skoða, er ÖLL spennt að máta á baby:)

Kv.Íris

07.12.07

2007-12-08T05:06:00.000Z

7.des er út úr myndinni:) Litli kútur ætlar aðeins að láta bíða eftir sér, enda er það alltílagi. Ég er ÖLL hin rólegasta. Vil þakka kærlega fyrir öll kommentin, hvert og eitt einasta komment gleður mig alltaf óstjórnalega mikið. Þið eruð að gera þetta svo skemmtilegt og það er svo gaman að sjá hvað maður á marga að, það er greinilegt að maður er allaveganna að gera eitthvað rétt í lífinu:)

Núna er ömmu, Telmu og Unni Jóns búið að dreyma í þessari viku að þetta sé drengur. Það verður gaman að sjá.

Sjöbba er öll æst að senda mig á eitthvað trampólín en sama hvað ég leita í görðunum hérna þá virðast allir vera búin að taka þau niður. Spurning um að valhoppa bara allt sem ég fer þangað til barnið kemur, eða bara taka smá elf á þetta? Eru fleiri með?:) (Finnst þetta alltaf jafn fyndið, ekkert minna fyndið en mér fannst þetta í fyrra, vona bara að maðurinn minn hafi sama húmor þar sem ég er búin að draga hann inn í þetta hehe)

Ég vaki allar nætur en ég er orðin svo vön því að það er hætt að bögga mig. Unnur Jóns nágrannakona mín er líka búin að bjarga þeim fyrir svolitlu síðan þegar hún stóð eins og engill fyrir utan húsið mitt með fullan poka af dvd handa mér, alltaf svo góð.

Hlakka ekkert smá til að fara að versla barnaföt sem þurfa ekki að vera hlutlaus, það er frekar boring. Þannig að núna liggur maður bara inná svona, svona og svona síðum, bara mest krúttlegt sko:)

Var að skoða gamlar myndir, læt fylgja 2 myndir frá því fyrir akkurat ári síðan þegar ég og roomy vorum að vinna í búðinni minni á Laugaveginum.....:)

Pant vera orðin mamma næst þegar ég blogga:)

2007-12-04T02:20:00.000Z

Ekkert að gerast, barnið hugsanlega rólegra yfir þessu en foreldrarnir og þá er nú mikið sagt:)
Töflurnar sem áttu að laga allt virka ekki betur en svo að ég sofnaði kl 6 í morgun og vaknaði svo ælandi. Voða hressandi allt saman.
Við tókum þá ákvörðun í dag að barnið myndi fæðast á Norðfirði, já þetta verður sko ekta austfirðingur. Mér finnst alveg ómögulegt þegar heilsan er svona að fara að hanga inná öðrum. Held að það sé alltaf best að vera heima hjá sér, sérstaklega þegar staðan er svona. Svo er bara erfitt fyrir mig að fara frá minni vinnu svona lengi ef að biðin verður löng. Þá er miklu betra að við bíðum bara hérna og komum svo vonandi hress og kát suður sem FYRST eftir að barnið fæðist. Mér finnst ég nú samt vera að taka svolítið af ömmunni,afanum og systkinum barnsins að fá ekki að koma á spítalann en það er svo sem bara ég, alltaf með samviskubit yfir einhverju.

Bara rétt að láta vita stöðu mála. Ég er orðin mjög spennt og hlakka til að sjá litla barnið mitt:)

Núna er klukkan sem sagt 02.15 og nóttin rétt að byrja. Kannski að ég fari að gera eitt stk VSK-skýrslu. Það er svona álíka gaman og að vaka á nóttinni og vakna ælandi.

Góða nótt allir mínir:*

Segið mér svo eitthvað skemmtilegt svo að biðin verði aðeins styttri. Allir svona aðeins að kvitta fyrir komunni. Alltaf gaman að sjá hverjir fylgjast með.

Kv.Íris 39v4d

2007-11-29T18:13:00.000Z

Jæja vika frá seinasta bloggi, ekkert að standa mig sko. Var bara svo viss um að baby okkar kæmi áður en ég næði að blogga næst. Svo kemur það kannski ekki fyrr en 21.des..ÖSS.
Var að pæla áðan í byrjuninni á þessu ævintýri. Ég hef sennilega keypt svona 100 þungunarpróf um ævina, þetta er paranoja sem Kristján var búinn að kynnast. Einn daginn fer Kristján upp á Egilsstaði og fer í apótek fyrir Heiðu vinkonu. Svo kemur Heiða daginn eftir að sækja sitt og tekur upp verðmiðann og ég sé að hún svona hálf frýs og réttir mér miðann. Þá stendur á honum 1 stk ÞUNGUNARPRÓF. Eitthvað sem ég hefði svo sannarlega ekki beðið Kristján um að kaupa í þetta sinn. Ég fer auðvitað ÖLL í panik og segi henni að ég kaupi þetta svo reglulega bara svona til að eiga. Svo þegar hún fór þá hringi ég í Kristján:

Ég: Hvar er þungunarprófið sem HEIÐA sá kvittunina af?
Kristján: hehe inní skáp..

Svo áður en Kristján kom heim þá tók ég prófið. Bjóst ekkert við að það væri jákvætt annars hefði ég beðið eftir honum. Pissaði á pinnan og þá komu tvö strik.
Þetta er ótrúlega furðuleg tilfinning. Þó svo að þetta hefði verið planað þá fékk ég svona ANDA INN ANDA ÚT tilfinningu. Og svo auðvitað bara gleði. Á því augnabliki þá bankar tendgapabbi sem var að koma í mat og svo kemur Kristján heim og fer inn í herbergi að skipta um föt og ég fer þangað inn og segi að ég hefði tekið prófið og hann alveg: og hvað? Ég fraus aftur og sagði að það hefði verið neikvætt og svo nánast strax sagði ég: nei það var jákvætt. Og við knúsuðumst pínu og fórum svo fram og gátum auðvitað ekkert talað um þetta á meðan hann var í mat hjá okkur.
Gaman að þessu. Ég vissi sem sagt ekki að ég væri ólétt fyrr en ég var komin næstum einn og hálfan mánuð. Litla mús hafði orðið til 3 dögum eftir að plan komst á borðið. Enda er Kristján svo montinn þegar að það er talað um að reyna að eignast barn. REYNA PLÍS hehe;)

Í gærkveldi var ég viss um að þetta kæmi í nótt. Stanslausir samdrættir og einhverjir verkir. Enda er ég alltaf að spyrja vinkonur mínar: Hvað þýðir það þegar maður finnur svona og svona og svona? Meina ekki veit ég það?

Fór í mæðraskoðun í gær. Barnið er búið að skorða sig og ég var mæld 36 cm (hvað heitir aftur sú mæling,roomy?. Komin 38v5d. Og hafði lést pínu. Enda mátti ég nú alveg við því.

Ef ég nenni ekki að blogga meira fyrir fæðingu þá læt ég vita reglulega í commentum stöðuna:)

Kv.Íris-38v6d

2007-11-22T20:44:00.000Z

15 dagar í settan dag. Ég er viss um að það verði fyrr, held að ég verði komin með krílið innan við viku:) Fullt af samdráttum og skrítnir verkir eru daglegt brauð núna. Enda er barnið fullþroskað og tilbúið á morgun. 38 vikur:)
Ég er farin að sofa meira, þó aðallega bara lengur á morgnanna. Nóttin er ekki vinur minn ennþá, en ég fæ þó einhvern svefn. Morgunólgleðin er líka skárri.
Eftir að ég fór að sofa aðeins meira þá er ég allt önnur. Ég hélt að mér myndi líða svona þegar ég væri komin á svona sjötta mánuð. Þó svo að fólk horfi á mig og ég sjái VÓ í andlitinu hjá þeim þá líður mér eins og ég sé ÖLL létt og fín. Ekki eins og ég sé komin á steypirinn. Kannski að næsta blogg verði myndablogg af litla snúð:)

Kv.Íris ÖLL hress og komin með crazy spenning :)

2007-11-19T13:38:00.000Z

*Villibráðakveld í boði Kristjáns og Billa á Laugardaginn, 12 manns í mat og það var svaka stuð.

*Hetjan ég borðaði svartfugl, gæs og Skarf. Sleppti samt önd, sel og gæsapate.

*Rúmið komið og ég gat ekki beðið, er búin að búa um það og alles *roðn*.

*18 dagar í að ég verði mamma, mamma verði amma, pabbi verði afi, amma verði langamma, afi verði langafi, systur mínar verði móðursystur, bróðir minn verði móðurbróðir. Já fullt af nýjum titlum!

*Erum ekki búin að ákveða hvar við eignumst litla snúð. Sennilega verður það ákveðið með litlum fyrirvara.

*Er farið að hlakka mikið til að fara í ljós og vera gella í fallegu fötunum sem ég er ávallt að flytja inn. Iss stutt í gelluna sko;)

*Ætla að skella mér á Höfn í klippingu sem fyrst, er að spá í að fá mér strípur og síðan topp, hvernig hljómar það?

*Viljið þið pæla í því að það sé hægt að röfla yfir blogginu mínu sem er aðallega um barnið mitt? Ég endurtek BARNIÐ MITT. Óska hér með að slíkt fólk hætti að lesa nú þegar. Ykkur hin elska ég sko:)

Myndirnar hérna fyrir ofan eru af eftirfarandi:

Nýja rúminu

Krúttlega heimferðargallanum

Fallega fólkinu sem kom heim um helgina

Hlaðborðinu

Og kokkunum:)

Trúður á sýru

2007-11-14T17:24:00.000Z

Já fyrirsögnin á vel við mig!
Í fyrradag þá fann ég þvílíkt hormónaflæði streyma um líkamann. Mér finnst ég ekki hafa stjórn á neinum tilfinningum. En sem betur fer brýst það bara út þegar ég tala við mömmu og Kristján. Var að tala við mömmu í dag og vissi ekki fyrr en ég var farin á hágrenja útaf engu. Kannski þarf maður bara stundum pínu mömmu-huggun:) Hún skilur mig líka alltaf svo vel, það er svo gott. Svo skipti ég um skoðun varðandi barnarúm, ég vildi bara fá það þegar barnið væri nokkra mánaða og hafa barnið bara í vöggu en í dag var ég alveg ákveðin að ég vildi BÆÐI! Talaði við pabba í dramakasti af því að hann var búin að segjast ætla að kaupa rúm og greyið þorði ekki öðru en að kaupa það Í DAG!! Fór í 3 búðir af því að ég vildi HVÍTT og ekkert annað. Núna líður mér eins og kjána.. búin að dramast í allan dag. Svo fór ég í mæðraskoðun áðan og sagði henni frá því að ég væri búin að vera að æla á hverjum morgni í svona 3 vikur og það er víst ekki eðlilegt á þessu stigi meðgöngunnar og svo sef ég ekkert á nóttinni. Þannig að hún sendi mig yfir til læknissins sem ætlar að gefa mér töflur til að laga þetta allt saman...............oggggggggggg þá var eg næstum farin að GRENJA af gleði og langaði að knúsa hann. Guð minn góður, hvað er að mér. Æjj þetta hlaut að koma:)

Plís segið mér nokkrar dramasögur af ykkur svo að ég fari ekki á bömmer.. annars gæti ég farið að grenja..djók;)

kv.Íris-37v á morgun:)

36v1d

2007-11-11T02:05:00.000Z

Já sæll:)

2007-11-07T23:09:00.000Z

Fórum í sónar í dag, barnið okkar er orðið 12 merkur og stefnir í 16 miðað við áætlaðan fæðingardag sem er 7 des:)

Er komin 35 vikur og 5 daga. Ég var búin að spá því að eignast barnið á 38 viku, pælið í því ef það kæmi eftir 2 vikur...ÖSSSSSS!!

32 dagar 2 go..iss það er ekki neitt:)

2007-11-05T11:23:00.000Z

Eg verð nú að játa það að þetta er í fyrsta skipti eftir langan tíma sem ég kem heim frá RVK og er ekki ógeðslega þreytt og blótandi því hvað það sé boring þarna. Ástæðan er einföld, ég komst ekki út og því komu allir í kaffi til mín:D Það er yndislegt!! Það er ekkert smá þreytandi að vera allan tíman á ferðinni í heimsóknum þó svo að það sé alltaf gaman að kíkja til fólks. Laugardaginn var bara einn sá skemmtilegasti dagur sem ég hef upplifað lengi. Var með opið hús og það var ekki dauð stund af því að það voru alltaf einhverjar vinkonur eða family í kaffi hjá mér og svo milli þess kom fólk að versla. Takk fyrir að kíkja á mig, ekkert smá gaman. Ef ég flyt suður aftur þá verða alltaf vöfflur hjá mér á laug, ok;)
Litla mús (sem eiginlega breyttist í dreng um helgina) fékk ekkert smá flotta sængurgjöf frá Svövu móðursystur, klikkaðann óróa til að setja á rúm, geggjað flott. Svo fékk hann fullann kassa af dóti frá Birgittu frænku, takk kærlega Birgitta, þetta á eftir að koma sér vel:)

Sléttir 8 mánuðir búnir á miðvikudaginn, það er ekkert smá stutt í þetta. Ég er orðin tilbúin í að verða mamma, já ég er það! Eins mikið og mig langar í barn þá verð ég að viðurkenna það að ég er líka búin að vera stressuð, mér líður bara alltaf eins og það megi ekki ræða það..but here it goes... Þar sem maður er nú ekkert unglamb að fara að eignast frumburðinn þá veit ég vel að þetta er ekki bara dúkkuleikur.
Eg er stressuð yfir að fá fæðingarþunglyndi þar sem ég er í miklum áhættuhópi varðandi slíkt, hrædd um að hafa ekkert að gefa af mér og hrædd um að allt breytist. En núna er ég tilbúin, auðvitað breytist margt, en sennilega bara til hins betra, ég er að ganga inn í nýtt tímabil, ég veit ekkert hvað ég er að fara út í en ég er hamingjusöm og það hlýtur að hjálpa á erfiðum köflum:)

Sviðamessa/hrekkavaka um helgina og Kristján er þessa dagana að æfa fyrir show sem verður á henni. Kannski að marr haldi eitt stykki markað líka um helgina, svo er ég farin í mega afslöppun og hætt þessari vitleysu, á ekki mikið í svona bras lengur;)

Besta tengdamamman á afmæli í dag og í tilefni þess ætlum við Bearnaise bræður og litla mús að fara að knúsa hana og svo verð ég að fara að hitta hana Snæsu mína.

Bumbumyndir væntanlegar vonandi.

Ps.Má ég fara að setja upp jólaskraut?

Kv.Íris

2007-10-29T14:00:00.000Z

Hæ:)

Rétt rúmlega mánuður eftir og ég ÖLL spennt. Núna er komið svolítið svona "JÆJA NÚNA MÁ ÞETTA FARA AÐ KOMA" tímabil, en það er aðallega á svefnlausum nóttum. Dröfn mín kæra reddaði mér snúningslaki og mér finnst þetta svo skemmtilega fyrirbæri að það er vandræðalegt. Fyrst var ég ekki alveg að ná þessu en núna finnst mér svo spennandi að snúa mér að ég stóð mig að því að segja VÍÍÍÍÍÍ upphátt um daginn. Já ég veit..klikkuð:)

Helgin var með fínasta móti, humar,Tekinn og Stelpurnar á föstudag og svo þrítugsafmæli hjá Júllu á laugardag. Svaka fín veisla hjá "stelpunni" og mikið hlegið.

Það er búið að taka ákvörðun með tímasetningu á opna húsinu næstu helgi og það er eftirfarandi:

Föstudag: 18.00-22.00 og laugardag frá 13.00-18.00. Grafarholti,Prestastíg 1,íbúð 102, Guðrún og Rakel á bjöllu.

Var að fá nýjar vörur og það er hægt að kíkja á það á ONI linkunum hérna til hliðar.

Vona að flestir kíki við og endilega taka einhvern með sér, þó ekki nema bara til að sjá hvað ég er mikil feitabolla :D

Myndir helgarinnar eru eftirfarnandi:

1.Kristján og hin konan hans,2.Júlla sæta ammlistelpa og 3.Selma Litla Líf sem Kristján ætlar að gera að Chealsea fan:)

Sjáumst vonandi um helgina:)

Kv.Íris

2007-10-24T15:15:00.000+01:00

Öss ég var komin með svo leið á blogginu hérna fyrir neðan að ég varð að blogga. Er bara ekki búin að vera í neinum bloggfíling seinustu daga.

Kristjánsbörn voru hjá okkur frá fös þangað til í gær. Það var yndislegt að hafa þau. Þau voru svo góð að það fer ekkert fyrir þeim. Leiðinda veður alla helgina þannig að það var mikill leti fílingur í mér og ég átti bara rólega og góða helgi heima fyrir.

Við kærustuparið sátum saman í hnöðli í gær þegar hann segir allt í einu: Ég kyssti aðra í dag!

Ég fékk svona ógeðishroll um líkamann liggur við áður en ég fattaði hvað hann var búinn að segja og leit á hann þar sem hann sat skælbrosandi og sýndi mér ÞESSA mynd hehe. Kjánapési.

Styttist í að ég komi suður og verði með opið hús. Var að panta ýkt hipp og kúl föt til að bæta í safnið. Hlakka mjög mikið til:)

Litla músin mín í maganum verður 33 vikna á morgun. Ég er ekki alveg að skilja hvernig það á meira að komast fyrir þarna inni. Það er samt svo svakalega stutt í þetta. Ég get ekki beðið. Það verður áhugavert að upplifa VERSTA SÁRSAUKA SEM TIL ER sem maður er búin að heyra um í gegnum árin. En ég hugsa alltaf að ef að hin og þessi meikuðu þetta þá hlýt ég að meika það. Það verður allaveganna ekki aftur snúið, það er á hreinu;)

2007-10-18T10:24:00.001+01:00

Ég veit ekki hvort það sé sniðugt að vera að blogga núna. Ég er alveg á röngunni núna. Mjög svo svefnlaus með meiru. Ætla að prufa að panta mér snúningslak sem er víst algert möst. Svo er búin að vera morgunógleði seinustu 2 morgna, brjóstsviðinn að drepa mig og ég veit ekki hvað og hvað. Vorkenni samt mest litlu mús í þessari ógleði af því að maginn herpist svo í þessum átökum. Enda á maður ekkert að vera ælandi á 32 viku með huges bumbu PLÍS!
Fórum í kaupstaðaferð í gær til að kaupa málningu og fl. Hittum Karen bjútí sem var hress að venju. Hún gaf liltu músinni klikkaða converse skó og geggjaðan fatnað frá útlandinu. Enda er músin búin að vera á fullu síðan,bíð bara eftir að að hún hoppi út úr mér til að máta skóna hehe.
Kláruðum að mála í gær þannig að dagurinn í dag fer í að gera allt voða fínt og flott þarna á efri hæðinni. Verst að Ikea er ekki til staðar en þetta verður orðið mega fínt hjá okkur fyrir jólin. Þrátt fyrir það að ég eigi besta mann í heimi þá var mér ekki sýnd nein miskun í málningarvinnunni. Fattaði líka þegar við vorum að mála hvað ég væri mega skemmtilegur félagsskapur þannig að ég skildi hann vel að láta það ganga fyrir.

Afsaka leiðinlegt blogg, langar bara svo í svefntöflu og annað lag á heilann (er með rassgat,rassgat og píka lagið á heilanum) þannig að ef einhver á slíkt þá á hann/hún inni hjá mér vöffluveislu (eftir leggjuna).

Kv.Íris og 32 vikna afmælismúsin